2-июлда Бишкектеги «Ала-Тоо» ресторанында III Кымыз фестивалы өтөт. Бул тууралуу «Кымыз фест» уюмунун жетекчиси Улан Дүйшөналиев «Маралдын» эфиринде билдирди.
Кымыз фестивалы — биздин баалуулуктарыбызды бириктирүү жана сактоо жолу, анын максаты кымыздын өзгөчө касиеттери жөнүндө маалыматтарды жайылтуу болуп саналат.
«Аталган фестиваль — улуттук суусундукту коомдук тамактануу пунктуларына жеткирүүнүн жаңы мүмкүнчүлүктөрүн ачкан атайын аянтча. Иш-чара кыргыз элинин байыркы салттарын жандандырат жана кымыздын азыркы коомго маанисин жогорулатат», — деди ал.