Бүгүн, 15-июнда Улуттук тарых музейинде «Бабалардын баа жеткис мурастары Тайган» көргөзмөсү ачылды. Ал 30-июнга чейин ачык болот.
Мындан сырткары 25-27- июнь күндөрү Жалал-Абад облусунун Токтогул районунда «Каракуштун Мекени» атуу эл аралык этнофестиваль өтөт.
Көргөзмөдө жыгачтан, колодон, чоподон жасалган, таштын, кездеменин, кагаздын же башка материалдардын бетине тайгандын элеси түшүрүлгөн буюм-тайымдар, сүрөттөр коюлду. Эң жакшы экспонаттардын ээлерине сыйлыктар тапшырылды.
Маалыматка караганда, 2018-жылдан бери «Кыргыз тайганы» долбоорун ишке ашыруу учурунда көптөгөн тарыхый-археологиялык материалдар жана табылгалар аныкталган.
Маданият министрлиги бул көргөзмө аркылуу коомчулукка тайган тууралуу анык маалыматтарды жеткирүүнү көздөйт.
