«Кыргызиндустрия» ачык акционердик коомунун тышкы экономикалык байланыштар жана соода боюнча вице-президенти Азамат Байышбеков «Маралдын» эфиринде чет өлкөлөрдөн инвесторлорду тартуудагы тоскоолдуктарды атады.
Эл аралык уюмдар Кыргызстанда дайыма изилдөөлөрдү жүргүзүп, рейтингдерди чыгарып турушат. Инвесторлор инвестиция салардан мурун аталган рейтинг жана көрсөткүчөрдү изилдеп чыгышат.
«Бул көрсөткүчтөрдү жакшыртуунун үстүндө иш алып барып жатабыз. Андан кийин инвесторлор менен иштешүүдө бюрократиялык көрүнүштөр бар. Ошондой эле азыркы тапта алардын биздин өлкөгө ишеними аз болуп жатат. Ушунун баарын эске алып иш жүргүзүүдөбүз. Кызыккан инвесторлор абдан көп. Алар көбүнчө өндүрүш тармагына кызыгууда. Сүйлөшүүлөр жүрүп, алдыда ири долбоорлорго жол ачылат».