Президент Садыр Жапаров бүгүн, 7-июнда финансы-экономика тармагында эмгектенген кызматкерлерди кесиптик майрамы менен куттуктады.
Мамлекет башчысы тармактын адистерине чың ден соолук, үй-бүлөлүк бакыт жана ийгиликтерди каалаган.
«Өлкө экономикасын өнүктүрүүдө жана чыңдоодо финансы жана экономика тармагындагы кызматкерлердин ролу жогору экени баарыбызга маалым.
Финансы-экономика чөйрөсүндөгү адистердин күч-аракетинин аркасы менен мамлекеттин экономикасын өнүктүрүү, тең салмактуу бюджетти камсыздоо, ошондой эле экономиканын глобалдык чакырыктарга туруктуулугун бекемдөө маселелери чечилип келүүдө» — деп айтылат куттуктоодо.
Ошондой эле ал мамлекеттин бакубаттуулугу, экономиканын мындан аркы өнүгүшү финансы-экономика жаатындагы кесипкөйлөрдүн аракетине жана талбаган эмгегине байланыштуу экенин белгилеген.