Ош шаарында алгачкы жолу Түркиянын Даламан аэропортунан (Бодрум, Мармарис шаарларынан) түз чартердик рейс ачылды. Бул тууралуу Ош шаарынын мэриясынын басма сөз кызматы билдирди.
5-июнда түнкү саат 02:00дө Ош шаарынын вице-мэри Сонунбек Жунусбаевдин катышуусунда алгачкы рейсти тосуп алуу иш-чарасы өттү.
Каттамдар «Пегасус» авиакомпаниясы тарабынан аткарылмакчы.
Буга чейин 3-июнда Оштон Анталияга биринчи чартердик каттам ачылган. «Пегасус» авиакомпаниясы тарабынан «Анталия-Ош-Анталия» багыты боюнча каттамдар жумасына эки жолу (дүйшөмбү жана жума күндөрү) аткарылат.