Саламаттыкты сактоо министрлигине караштуу Улуттук фтизиатрия борборунун директору Мадамин Каратаев ээлеген кызматынан бошотулду. Тийиштүү чечимге Министрлер кабинетинин төрагасы Акылбек Жапаров кол койгон.
Медицина илимдеринин доктору, профессор Мадамин Каратаев 2018-жылы 21-июнда Саламаттыкты сактоо министринин орун басары болуп дайындалган.
2021-жылдын 21-апрелинде бул кызматтан бошотулуп, 22-апрелде Улуттук фтизиатрия борборунун директорлугуна бекитилген.
Анын орун басарлыктан кетишин министр Алымкадыр Бейшеналиев «кызматтагы келишпестик» деген жүйө менен түшүндүргөн.