5-июнда «Ынтымак» сейил багында Shoro Kid’s Run тестиер-өспүрүмдөрдүн жарышы өткөрүлөт. Бул тууралуу Бишкек мэриясынын маалымат кызматы билдирди.
Саат 8:00-13:00 аралыгында өтө турган жарышка 2 жаштан 16 жашка чейинки бардык бала катышса болот. Ага tonus.kg сайты аркылуу же Фрунзе көчөсү, 300/3 дарегиндеги Change Fitness имаратынан каттала алат. Каттоо үчүн 1500 сом төлөм алынат.
Балдар жаш курактарына жараша төмөнкүдөй аралыкта чуркашат:
2-5 жаштагы балдар — 300 метр;
6-8 жаштагы балдар — 500 метр;
9-12 жаштагы балдар — 1 километр;
13-16 жаштагы балдар — 3 километр.
Жарыштан тышкары ар кандай оюн-зоок, кечелер уюштурулуп, балдарга майрамдык белектер берилет.