Эртең, 31-майда саат 10:00дө С. Ибраимов атындагы Ош Улуттук драм театрында, 1-июнь саат 15:00дө Апаз Жайнаков атындагы Баткен облустук музыкалуу драма театрында, 2-июнь саат 13:00дө Жалал- Абад ресторанында 9-11-класстын бүтүрүүчүлөрүнө арналган “Туура кесип-Келечек кепилдиги” аталышындагы форум өтөт. Бул тууралуу маданият министрлигинин басма сөз кызматы билдирди.
Кыргызстанда жылына болжол менен 160 миңге жакын окуучу 9-11-классты аяктайт. Ар бир окуучунун туура кесипти тандоосу анын кийинки тагдырына чоң таасирин берет.
Иш-чаранын максаты келечек жаштарын кесипке багыттоо үчүн республикалык жана аймактык жолугушууларды, тренингтерди уюштуруу болуп саналат.
Платформанын алкагында өз кесибинин мыкты бүтүрүүчүлөрүнөн актуалдуу темалар боюнча презентация жасоо пландалууда.
Ушундай иш- чаралар Жалал- Абад жана Баткен шаарларында да өтөт.
Байланышуу телефону: 0705 464 756.