Кыргызгидромет билдиргендей, эртең, 31-майда түнкүсүн Чүй, Ысык-Көл облустарынын көпчүлүк аймактарында, Талас, Нарын облустарынын кээ бир райондорунда, Ош, Жалал-Абад, Баткен облустарынын тоо этектеринде жана тоолуу райондорунда жаан жаап, күн күркүрөшү мүмкүн.
Ош, Жалал-Абад, Баткен облустарынын дыйканчылык аймактарында жаан-чачын күтүлбөйт.
Күндүз Чүй, Ысык-Көл облустарынын көпчүлүк аймактарында, Талас, Ош, Жалал-Абад, Баткен, Нарын облустарынын кээ бир райондорунда жаан жаап, күн күркүрөшү, бийик тоолуу райондордо кар жаашы күтүлөт.
Батыштан соккон шамалдын ылдамдыгы секундасына 4-9 метрден, күндүз Ысык-Көл, Нарын облустарынын кээ бир райондорунда секундасына 15-20 метрге чейин жетет.
Чүй өрөөнүндө түнкүсүн +7…+12, күндүз +20…+25,
Талас облусунда түнкүсүн +5…+10, күндүз +19…+24,
Жалал-Абад, Ош, Баткен облустарында түнкүсүн +8…+13, күндүз +24…+29,
Ысык-Көл жергесинде түнкүсүн +4…+9, күндүз +14…+19,
Нарын облусунда түнкүсүн +1…+6, күндүз +12…+17.
Бишкек шаарында жаан жаайт. Абанын температурасы түнкүсүн +10…+12, күндүз +21…+23 градус болот.