Ошто дайынсыз болуп жаткан 17 жаштагы баланын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирди.
Өзгөчө кырдаалдар министрлиги билдиргендей, 22-май күнү Ош облусунун Өзгөн районундагы Коргон айылынын 17 жаштагы Т.К. аттуу тургуну Супа жайлоосунда жайылып жүргөн малды кароо үчүн чыгып кеткен бойдон дайынсыз жоголгон.
24-май түнү саат 01:00 чамасында баланын туугандары ӨКМге кайрылышкан.
25-майда издөө иштерин жүргүзүү үчүн ӨКМден 5 куткаруучу тартылган.
Куткаруучулар Үнкүр айылына барганда жергиликтүү тургундар жоголгон баланын сөөгү табылгандыгын билдиришкен.
Баланын сөөгү ата-энесине өткөрүлүп берилген.