Кыргызгидромет борборунун маалыматы боюнча, 23-майда Кыргызстандын аймагында туруксуз аба ырайы күтүлөт. Мезгил-мезгили менен жаан жаап, күн күркүрөшү, бийик тоолуу райондордо кар жаашы, кээ бир райондордо жаан-чачын катуу жаашы ыктымал. Айрым райондордо мөндүр жаашы мүмкүн.
Абанын температурасы бир аз төмөндөйт. Батыш тараптан келген соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.
Мындай туруксуз аба ырайы унаа, энергетика жана коммуналдык кызматтардын ишин жана жайыттарда малды кармоону кыйындатат.
Туруксуз аба ырайына жана күтүлүп жаткан нөшөрлүү жаан-чачынга байланыштуу тоо этектеринде жана тоолуу райондордо сел жүрүшү мүмкүн, дарыяларда суунун деңгээли көтөрүлөт.
Эртең, 24-майда түнкүсүн Чүй, Ысык-Көл, Нарын облустарынын кээ бир райондорунда, Ош облусунун тоолуу райондорунда жаан жаап, күн күркүрөшү, бийик тоолуу райондордо кар жаашы мүмкүн. Ош облусунун дыйканчылык аймактарында жана Талас, Жалал-Абад Абад, Баткен облустарында жаан-чачын күтүлбөйт.
Күндүз Нарын облусунун дыйканчылык аймактарында, тоолуу райондордо жаан жаайт, калган аймактарда жаан-чачын күтүлбөй.
Аба температурасы:
Чүй өрөөнүндө түнкүсүн +9…+14, күндүз +23…+28,
Талас облусунда түнкүсүн +7…+12, күндүз +22…+27,
Жалал-Абад, Ош, Баткен облустарында түнкүсүн +12…+16, күндүз +26…+31,
Ысык-Көл жергесинде түнкүсүн +6…+11, күндүз +18…+23,
Нарын облусунда түнкүсүн +4…+9, күндүз +17…+22.
Бишкек шаарында жаан-чачын күтүлбөйт. Абанын температурасы түнкүсүн +9…+11, күндүз +23…+25 градус болот.