Муратбек Азымбакиев Президенттин администрациясынын тышкы саясат бөлүмүнүн башчысы болуп дайындалды. Тиешелүү жарлыкка президент Садыр Жапаров кол койгон.
Бул тууралуу Президенттик администрациядан билдиришти.
Президенттин администрациясынын тышкы саясат бөлүмүн буга чейин Жээнбек Кулубаев жетектеген.
22-апрелде тышкы иштер министри Руслан Казакбаев кызматтан бошотулуп, Жээнбек Кулубаев анын ордуна барган.