Караколдо аялдын сабалышы боюнча кылмыш иши козголуп, шектүү камакка алынды. Бул тууралуу Ысык-Көл облусунун ички иштер башкармалыгынын маалымат кызматы кабарлады.
14-майда Каракол шаардык милициясына Ысык-Көл облустук бириккен ооруканасына 1984-жылы туулган У.А. аттуу аял денесинен жаракат алып жаткырылгандыгы тууралуу маалымат түшкөн.
Бул факты катталып, Кылмыш-жаза кодексинин 177-беренесинин (Үй-бүлөлүк зомбулук) беренеси менен сотко чейинки өндүрүш иштери башталган.
Маалыматка караганда аялды күйөөсү кызганычтан улам сабаганы маалым болгон. Кийин 138-берене (Уруп-сабап кыйноо) боюнча кылмыш иши козголгон.
