Бүгүн, 4-майда Нарын облусунун Жумгал районундагы Арал-Миң-Куш унаа жолуна түшкөн жер көчкү тазаланып жатат.
Өзгөчө кырдаалдар министрлиги билдиргендей, 1-май күнү саат 15:00 чамасында Арал-Миң-Куш унаа жолунун 20-чакырымында (Кызыл-Сөөк тилкесинде) 2014-жылы түшкөн жер көчкү кайрадан активдешкен. Жалпы болжолдуу көлөмү 15000 м3 болуп, Миң-Куш дарыясын жарымын басып калган.
Буга байланыштуу суунун денгээли көтөрүлүп, унаа жолдун болжол менен 35-40 метр аралыгын жеп кеткен.
Унаалардын өтүүсүнө кооптуу абал пайда болгонуна байланыштуу жол убактылуу жабылган. 3-май күнү жол бир тараптуу ачылган.
Бүгүн жерине “Альянс” ишканасынан тийиштүү күчтөр тартылган. Кошумча маалымат берилет.