Министрлер кабинетинин төрагасы Акылбек Жапаров медициналык текшерүүдөн өтүү үчүн Германияга учуп кетти. Бул тууралуу өкмөттүн маалымат кызматы тастыктады.
Акылбек Жапаров 28-апрелде жүрөгү ооруп, ооруканага жаткырылган. Ал М.Миррахимов атындагы Улуттук кардиология жана терапия борборуна жүрөк оорусу жана кан басымынын төмөндөшүнө байланыштуу түшкөн.
Өткөрүлгөн электрокардиография жана коронарография процедуралары инфаркт миокардды тастыктаган эмес, бирок жүрөк-кан тамыр спазмы аныкталган.