1-майдан 2-майга караган түнкү саат 22:58 чамасында Баткен облусунун Кызыл-Кыя шаарында Toyota Avensis үлгүсүндөгү унаа жол четиндеги тосмону сүзүп, унаанын алдыңкы кыймылдаткыч бөлүгүнөн өрт чыккан. Бул тууралуу Өзгөчө кырдаалдар министрлигинин маалымат кызматы билдирди.
Жерине Кызыл-Кыя шаардык өрткө каршы куткаруу бөлүмүнөн 1 бөлүм барган. Саат 23:10до толугу менен өчүрүлгөн.
Ал эми кырсыкка кабылган айдоочу шаардык аймактык ооруканага жеткирилген.
Учурда өрттүн себеби такталууда.