Кыргызгидромет борбору алдыдагы аптага карата аба ырайы тууралуу маалыматты райсмий сайтына жарыялады. Ага ылайык, бийик тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрден, 3-майда күндүз жана 4-майда кээ бир райондордо 15-20 метрге жетиши күтүлөт.
Чүй облусу
1-2-майда жаан-чачын күтүлбөйт. 3-6-майда күндүз кээ бир райондордо жаан жаап, күн күркүрөп, бийик тоолуу райондордо кар жаашы мүмкүн. 7-майда күн ачык болот.
Талас облусу
1-май күндүз жана 2-майда түнкүсүн жаан-чачын болбойт. 2-майда күндүз башталган жаан 4-майга чейин маал-маалы жаап турары күтүлүүдө. 5-майда жана 6-майда түнкүсүн кээ бир райондордо жаан жаап, бийик тоолуу райондордо кар түшөт. 7-майда жаан-чачын күтүлбөйт.
Ош, Баткен, Жалал-Абад облустары
Өлкөнүн түштүгүндөгү облустарда 1-2-майда күн ачык болот. Түштүк-чыгыштан соккон шамалдын ылдамдыгы секундасына 5-10 метрден, 1-майда кээ бир райондордо 15-20 метрге жетиши күтүлүүдө. 3-6-майда көпчүлүк аймактарда жаан жаап, күн күркүрөйт. Бийик тоолуу райондордо кар жаайт. 7-майда жаан-чачын болбойт.
Ысык-Көл облусу
1-майда түнкүсүн тоолуу райондордо кар түшөт. 1-майда күндүз жана 2-майдан 6-майга чейин көпчүлүк аймактарда жаан жаап, бийик тоолуу райондордо кар түшөт. 7-майда күндүз жаан-чачын күтүлбөйт.
Нарын облусу
1-3-май күндөрү жаан-чачынсыз болот. 4-6-майда күндүз көпчүлүк аймактарда жаан жаап, бийик тоолуу райондордо кар жаашы күтүлөт. 7-майда күндүз күн ачык болот.
Ал эми 7-8-майда Кыргызстандын аймагында түнкүсүн жаан-чачын күтүлбөйт. 8-майда күндүз Чүй, Талас, Жалал-Абад облустарынын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт, калган аймактарда жаан-чачын күтүлбөйт. Абанын температурасы жогорулайт.