Эл аралык хоккей федерациясынын кеңеши (IIHF) Цюрихте өткөн жыйынында Дүйнө чемпионатын башка күнү өткөрүү чечимин кабыл алды. Турнир 2023-жылдын май айында Санкт-Петербургда өтүшү керек болчу.
IIHF сайтына: «Турнирдин убактысын жылдыруу чечими биринчи кезекте оюнчулардын, күйөрмандардын, жетекчиликтин, журналисттердин коопсуздугу, кызыкчылыгы үчүн кабыл алынды», — деп жазды.
Буга чейин Кеңеш Омск жана Новосибирск шаарларында өтөрү белгиленип калган уландар арасында Дүйнө биринчилигин дароо токтотуп, Орусияны жана Беларусту быйылкы оюндардан четтеткен.
2023-жылдагы чемпионаттын кайсыл жерде өтөрү келерки айда Финляндияда өтө турган турнирде аныкталат.
Белгилей кетсек, Орусия Украинага басып киргенден бери орусиялык спортчулар дүйнөлүк жарыштарга катыштырылбай келет.