Кыргызстан күрөш боюнча Азия чемпионатынын медалдык эсебинде 4-орунду ээледи. Чемпионат 19-24-апрель күндөрү Улан-Батор шаарында өттү.
Күрөштүн үч түрүнөн жалпы 30 комплект — 111 медаль ойнотулду. Кыргызстандан барган 21 спортчунун 14ү медаль алып кайтышты. Өлкө капчыгы 4 алтын, 3 күмүш, 7 коло медаль менен толукталды.
Азия чемпионатында 8 өлкөнүн спортчулары медалдарга ээ болушту.
Айта кетсек, бул — Кыргызстандын спорт тарыхында эң чоң ийгилик катары бааланууда. Себеби буга чейин мынчалык көп медаль алып кайткан учурлар болгон эмес.
Андан мурда ири жетишкендик катары 2007-жылы 8-13-майда Бишкекте өткөн Азия чемпионаты эсептелип келген. Анда Кыргызстандын балбандары 4 алтын, 4 коло медаль алышкан.
| № | Мамлекет | Алтын | Күмүш | Коло | Жалпы | Медалдын санына карай орду |
| 1 | Япония | 10 | 2 | 9 | 21 | 1 |
| 2 | Иран | 10 | 2 | 3 | 15 | 4 |
| 3 | Казакстан | 5 | 8 | 8 | 21 | 2 |
| 4 | Кыргызстан | 4 | 3 | 7 | 14 | 5 |
| 5 | Индия | 1 | 5 | 11 | 17 | 3 |
| 6 | Монголия | 6 | 6 | 12 | 6 | |
| 7 | Өзбекстан | 2 | 6 | 8 | 7 | |
| 8 | Түштүк Корея | 2 | 1 | 3 | 8 |