Эртең, 26-апрелде Бишкектин айрым аймактарында суу өчүрүлөт. Бул тууралуу «Бишкек суу-канал» башкармалыгы кабарлады.
Саат 9:00дөн 21:00гө чейин Пригородное айылындагы Лев Толстой — Максим Горький көчөлөрүндө, Алыкулов көчөсүнүн Ала-Арча дарыясына жакын аймактарында, Аскер шаарчасында, Кызыл-Аскерде, 110-кварталда, Достук кичирайонунда таза суу жок болот.
Бул өчүрүү мекеме, ишканаларга да, турак үйлөргө да тиешелүү. Анын себеби: суу кампаларды мезгилдик оңдоп-түзөөгө байланыштуу.
Белгилей кетсек, суу кампаларды оңдоп-түзөө жылына эки ирет жүргүзүлөт.