Ош шаарында кечээ, 23-апрелде жалпы шаардык ишембилик өттү. Ага 13 миңден ашуун адам катышты.
Иш-чарага бардык мекеме-уюмдарынын, муниципалдык ишканаларынын жана кызматтарынын эмгек жамааттары, саламаттыкты сактоо жана билим берүү мекемелеринин, анын ичинде жогорку окуу жайлардын, бала бакчалардын кызматкерлери, шаардын бардык муниципалитеттеринин тургундары активдүү катышты.
Шаарды таштандылардан тазалоо, бак-дарактарды актоо, мекеме-ишканалардын айланасын жууп, сырдоо, тротуарларды жана арыктарды тазалоо боюнча иш-чаралар жүргүзүлдү. «Ош-Тазалык» ишканасынан билдиришкендей, таштанды таштоочу жайга 1800 метр кубдан ашык таштанды чыгарылды.
