Кыргызгидромет билдиргендей, эртең, 21-апрелде түнкүсүн көпчүлүк аймакта өткүн өтү, күн күркүрөйт, Жалал-Абад облусунун кээ бир райондорунда жаан-чачын катуу жаашы мүмкүн.
Күндүз Ош, Жалал-Абад, Баткен, Ысык-Көл облустарынын көпчүлүк аймактарында, Чүй, Талас, Нарын облустарынын кээ бир райондорунда өткүн өтүп, күн күркүрөйт. Батыштан келген шамалдын ылдамдыгы 4-9 м/с.
Аба температурасы:
Чүй өрөөнүндө түнкүсүн +8…+13, күндүз +17…+22;
Талас облусунда түнкүсүн +6…+11, күндүз +16…+21;
Баткен, Ош, Жалал-Абад облустарында түнкүсүн +10…+15 күндүз +19…+24;
Ысык-Көл облусунда түнкүсүн +5…+10, күндүз +14…+19;
Нарында түнкүсүн +5…+10, күндүз +14…+19;
Бишкекте мезгил-мезгили менен жаан жаап, күн күркүрөйт. Абанын температурасы түнкүсүн +11…+13, күндүз +20…+22 градус болот.