Кыргызстандын мурдагы президенти Алмазбек Атамбаев Чүй облусунун Молдовановка айылындагы №27 түзөтүү мекемесине которулду. Бул тууралуу Жаза аткаруу мамлекеттик кызматынан кабарлашты.
Атамбаев буга чейин саламаттыгына байланыштуу №47 колонияга которулган.
Маалыматка караганда, аны кан басымы, грыжа жана башка оорулары бар.
Ушул күндөрү Бишкектин Биринчи Май райондук сотунда 2020-жылдагы октябрь окуяларына байланыштуу сот отурумдары өтүүдө. Ага Атамбаевди да алып келип жатышат. Бирок Атамбаев ден соолугуна байланыштуу отурумдарга катыштырбоону өтүнгөн, ал өтүнүчү жактырылган эмес.