Орусия Өкмөтү «Мир-19» аталышындагы коронавирус инфекциясына каршы жаңы препаратты чыгарууга 387 миллион рубль бөлдү. Бул тууралуу жергиликтүү маалымат каражаттары жазды.
Бөлүнгөн каражат Федералдык медициналык-биологиялык агенттиктин (ФМБА) Иммунология институтуна жабдууларды сатып алууга жумшалат.
«Мир-19» препаратын буга чейин Орусия Саламаттыкты сактоо министрлиги коронавируска каршы дары-дармектин тизмесине киргизген. Дары өткөн жылдын декабрь айында катталып, 2022-жылдын февраль айында клиникалык сыноолорду өткөрүүгө уруксат берилген болчу.