Бажы кызматы 2021-жылы планды 96,9 пайызга аткарып, 1 млрд. 498 млн. сом аз жыйнады. Бул тууралуу бажы кызматынын басма сөз кызматы билдирди.
Былтыркы жылдагы пландан артта калуунун негизги себеби январь-апрель айларындагы эпидемиологиялык кырдаалга байланыштуу импорттун кыскарышы себеп экени айтылды.
Бажы кызматы 2021-жылы жалпысынан 46 млрд. 886,5 млн. сом жыйнаган.
Ал эми 2022-жылы Бажы кызматы 98,5 млрд. сом жыйнашы керек.
Ошондой эле буга чейин пандемиядан улам киргизилген чектөөгө байланыштуу Кыргызстан менен Кытайдын ортосундагы товар ташуу үзгүлтүккө учурап, кескин кыскарды.