Элдар Алишеров Экономика жана коммерция министринин орун басары кызматынан бошотулду. Бул тууралуу Экономика министрлигинин басма сөз кызматы билдирди.
Алишеров бул кызматка 2021-жылдын февраль айында дайындалган. Ага чейин 2018-жылы да министрдин орун басары болгон.
6-апрелде Экономика жана коммерция министрине эки орун басар дайындалды. Министрлер кабинетинин төрагасы Акылбек Жапаров 29-мартта кол койгон буйруктун негизинде, Чоро Сейитов министрдин биринчи орун басары, Вероника Исаева орун басары болуп дайындалды.