31-мартта Бишкек шаарында «Кыргызстандагы бюджеттер аралык мамилелерди реформалоо: көйгөйлөр жана өнүгүү перспективалары» аталышында тегерек стол болуп өттү. Бул тууралуу уюштуруучулар «Маралга» билдирди.
Ага Жогорку Кеңештин депутаттары, Финансы министрлигинин өкүлдөрү жана жергиликтүү өз алдынча башкаруу органдарынын өкүлдөрү катышты. Иш-чаранын жүрүшүндө өлкөдөгү бюджеттер аралык мамилелерди реформалоо багытында жүрүп жаткан иштер боюнча пикир алмашуу болду.
Республикалык бюджет менен жергиликтүү бюджеттин байланышы жана бюджеттер аралык мамилелер жаатында эл аралык тажрыйбалардан мисалдар көрсөтүлдү.
Ошондой эле райондук бюджет боюнча долбоорлор талкууланды. Жыйынтыгында тегерек столдун катышуучулары тарабынан төмөнкү сунуштар иштелип чыгып, Финансы министрлигинин кароосуна жөнөтүлдү:
- Мамлекеттик органдар менен жергиликтүү өз алдынча башкаруу органдарынын функцияларын так ажыратуу;
- Бюджеттер аралык алакада жергиликтүү өз алдынча башкаруу органдарынын кызыкчылыктарын эске алуу;
- Жергиликтүү бюджеттерди теңдөө механизмдерин өркүндөтүү;