Бишкек шаарында 4-апрелден тарта жылуулук өчүрүлөт. Мындай чечим күз-кыш мезгилин өткөрүү боюнча ыкчам штабдын жыйынында кабыл алынганын мэриянын басма сөз кызматы кабарлады.
Гидрометеорология департаментинин маалыматына караганда, 31-марттан баштап абанын орточо суткалык температурасынын жогорулашы күтүлүп жатат, кескин суук болбойт.
Жылуулукту өчүрүү абанын орточо суткалык температурасы беш күн катары менен +8 градустан жогору болгондо башталат.