Бүгүн, 29-мартта Кыргызстандын футболчулары Тажикстандын командасы менен ойнойт. Беттештин башталышы саат 16:30да болот.
Кыргызстан менен Тажикстан курама командалары буга чейин да 14 жолу беттешкен. Беттештердин жалпы эсеби 20:12 болуп, Тажикстандын пайдасында келе жатат. Тагыраагы, Кыргызстанда 3 жеңиш болсо, Тажикстанда 8 жеңиш бар. Дагы 3 оюн тең чыгуу менен аяктаган.
Турнир 25-мартта Наманган шаарында башталып, ага Кыргызстандан тышкары Өзбекстан, Тажикстан жана Уганда командалары катышууда.
Мелдештин жобосуна ылайык, командалар плей-офф баскычында кез келип, жарым финалдык беттештер ойнолот. Жеңген командалар финалда, жеңилгендер үчүнчү орун үчүн беттешет.