Бүгүн, 25-мартта Кыргызстандын футбол боюнча курамасы Navruz Cup-2022 эл аралык мелдешинин алкагында Өзбекстандын командасы менен беттешет. Бул тууралуу Кыргыз футбол бирикмеси кабарлады.
Турнирге Кыргызстандан тышкары Өзбекстан, Тажикстан жана Уганданын командалары катышууда.
Бүгүн Бишкек убактысы боюнча саат 19:00дө Кыргызстандын курама командасы жарым финалда Өзбекстан менен беттешсе, Уганда-Тажикстан оюну Бишкек убактысы боюнча саат 15:30да башталат.
Белгилей кетсек, мелдештин жобосуна ылайык, командалар плей-офф баскычында кез келип, жарым финалдык беттештер ойнолот. Жеңген командалар финалда, жеңилгендер үчүнчү орун үчүн беттешет.
Оюн 29-мартта жыйынтыкталат.