Саули Ниинистё Финляндия-Кыргызстан дипломатиялык алакасына 30 жыл толушу менен Садыр Жапаровду куттуктады. Бул тууралуу Президенттин аппаратынын маалыматтык саясат бөлүмү билдирди.
«2022-жылдын 23-мартында Финляндия Республикасы менен Кыргыз Республикасынын ортосунда дипломатиялык алака түзүлгөнүнүн 30 жылдыгына байланыштуу өлкөңүзгө чын жүрөктөн гүлдөп-өнүгүүнү, элиңиздерге бакубат жашоо каалайм», — деген Саули Ниинистё.
Кыргызстан-Финляндия дипломатиялык алакасы 1992-жылы 23-мартта түзүлгөн. Учурда эки өлкө соода тармагында жигердүү кызматташып келет. Кыргызстан Финляндиядан зер буюмдарды, кийим-кечек жана башкаларды импорттойт.