Бишкектеги «Ош» базарынын аймагынан тамекини мыйзамсыз сатып жаткан адам кармалды. Бул тууралуу Мамлекеттик салык кызматы билдирди.
Текшерүүдө соодагердин уруксат кагазы, атайын лицензиясы жок экени, товарлар аткезчилик жол менен алынганы аныкталды.
Салык кызматкерлери мыйзам бузган сатуучунун 3 млн 400 миң сомго бааланган 69 миң 504 куту тамекисин алып коюшкан.
Бул боюнча ишкерге мыйзамга ылайык чара көрүлөрү айтылды.
