Кыргызстандык мушкер Алмаз Орозбеков Иорданияда өткөн бокс боюнча жаштар арасындагы Азия чемпионатында алтын медаль алды.
60 кг салмактагы Алмаз Орозбековдун беттештери 7-мартта башталган. Алгачкы беттешинде непалдык Сунар Индру Бахадурду 3-раундда мөөнөтүнөн мурда, 11-мартта болгон жарым финалда казакстандык Акбар Бисаревди 5:0 эсебинде жеңип алган.
14-мартта болгон финалдык беттеште Орозбеков тажикстандык Абдурахим Йокубовду 3:2 эсебинде утуп, жаштар арасында Азия чемпиону аталды.
Турнир 14-мартта Амманда жыйынтыкталды.