Өзбекстан менен Казакстандын ортосундагы автобус каттамдары 16-марттан тарта жанданат. Бул тууралуу Өзбекстандын Транспорт министрлигинин басма сөз кызматы билдирди.
Шаршемби күндөн тарта Ташкент – Нур-Султан, Ташкент – Алматы, Ташкент – Кызылорда, Ташкент – Түркстан, Ташкент – Иргели, Чирчик – Шымкент жана Чирчик – Алматы багыттарына алгачкы каттамдар жолго чыгары айтылды.
Ошол эле учурда Казакстандын аймагы аркылуу Орусияга транзиттик автобус киргизүү боюнча сүйлөшүүлөр жүрүп жатат.
Айта кетсек, эки өлкө ортосундагы каттамдар 2020-жылы коронавирус пандемиясы маалында токтотулган.