Украинанын вице-премьер-министри алты багыт боюнча гуманитардык коридорлор ачылганын кабарлады.
«Жарандарды эвакуациялоо бүгүн, 9-мартта алты гуманитардык коридор боюнча жүргүзүлөт. Аскер күчтөрү ок атышууну ушул күнү 9:00дөн 21:00гө чейин токтотууга макул», — деди вице-премьер-министр Ирина Верещук бүгүнкү брифингде.
Анын айтымында, эвакуациялоо үчүн ок атышпоо режими Энергодар – Запорожье, Сумы – Полтава, Мариуполь – Запорожье, Вольноваха – Покровск, Изюм – Лозовая багыттары боюнча киргизилүүдө.
Ошондой эле Киев багыты боюнча Ворцель, Буча, Бородянка, Ирпен, Гостомель посёлокторунда жүргүзүлөт.