Дээрлик эки жылга созулган чектөөлөрдөн кийин Бельгия бүгүн коронавируска каршы чаралардын көбүн жокко чыгарды. Бул тууралуу MIR-24 телеканалы кабарлады.
Беткап режими дээрлик бардык жерде жокко чыгарылып, ооруканаларда, карылар үйүндө жана коомдук унаада гана сакталып калды. Калк мындан ары кафе-ресторандарга санарип сертификаты жок да кирсе болот.
Саякатчылар өлкөгө киргенде атайын форма толтурбайт. Бельгиянын эмдөөдөн толук өткөн тургундарынан ПЧР-тест тапшыруу талап кылынбайт. Өлкө калкынын 78,6%га жакыны эмдөөнүн эки түрүн тең алган.
Буга чейин Индонезия 7-марттан тарта Бали аралына келген саякатчылар үчүн карантинди алып салганын кабарлаган. Эрежелер 23 өлкөнүн толук эмдөөдөн өткөн туристтерине тиешелүү.