Согуштун сегизинчи күнү: Маанилүү окуялар тизмеги (фото)

Украинадагы согуш сегиз күндөн бери уланууда. Авиациялык чабуулдарга кабылган шаарлар гуманитардык катастрофанын алдында турат. Ал ортодо Орусия менен Украина сүйлөшүүлөрдүн экинчи раундуна өтүп, кечээ 3-мартта калкты эвакуация кылуу, гуманитардык жардам жеткирүү үчүн коридор түзүүгө макулдашты.

Согуштун сегизинчи күнүндөгү маанилүү окуялар тизмеги:

• 3-март күнү Орусия-Украинанын сүйлөшүүлөрүнүн экинчи раунду болуп өттү.
• Орусия президенти Франция президенти Эммануэль Макрон менен 90 мүнөттөн ашык телефондо сүйлөшүү өткөрдү.  Макрондун айтымында, Путин азырынча согушту токтотуу ниетин билдирген эмес.
• Украинанын бир катар шаарларында атышуулар, жардыруулар уланууда.
• Черниговдо кыйраган урнадылар астынан 33 кишинин сөөгү табылган жана 18 киши жаракат алган.
• Харьковдогу атышууда 13 киши жаракат алган.
• Зеленский Путинге кайрылуу жолдоп, аны сүйлөшүүгө чакырды.
• Украинадагы Запорожье Атомдук электр станциясында (АЭС) өрт чыкты.