Быйыл 21-март Нооруз майрамын Баткен облусунда өткөрүү пландалып жатат. Бул тууралуу Маданият, маалымат, спорт жана жаштар саясаты министрлигинин алдындагы Улуттук маданий борбор кабарлады.
Баткенде 15-марттан тарта маданий жумалык жарыяланат. Иш-чарага эл артисттери, маначылар, дастанчылар жана башка маданият өкүлдөрү барышат.
Жергиликтүү калктын руханий дүйнөсүн көтөрүү максатында аймактагы бардык окуу жайларда, мекемелерде, мектептерде атайын чыгармачылык кечелер, жолугушуулар уюштурулат.