Орусия дүйнөлүк рынокко газ берүүнү үзгүлтүксүз улантат. Бул тууралуу Владимир Путин билдиргенин «ФАН» маалымат агенттиги кабарлады.
Путин энергетиканы экспорттоо жаатындагы милдеттенмелерин дайым аткарып келгенин, үзгүлтүккө учуратуу боюнча күмөн саноого негиз жоктугун белгилейт.
«Орусия өз кезегинде бул чийки затты үзгүлтүксүз берүүнү улантуу ниетинде. Бул инфратүзүмдү жакшыртат жана газ тармагына инвестицияны көбөйтөт», — деди президент Владимир Путин.
Ошондой эле экономист Михаил Хазин Орусия буга чейин топтолгон бардык запасын сатып бүтмөйүнчө, Европа рыногуна кошумча газ бербей турганын айтты. Антпесе ата мекендик компаниялар чоң суммадагы кирешеден кол жууйт.