Киевде көп кабатуу үйгө снаряд тийген (видео)

Украинанын борбору Киев шаарынын Лобановск проспектисинде жайгашкан көп кабаттуу үйдүн бирине снаряд тийип, турак жайдын тургундары көчүрүлүп жатканын Украинанын Өзгөчө кырдаалдар мамлекеттик кызматы Facebook баракчасына жарыялады.

Маалыматка ылайык, снаряд турак үйдүн 17-18-кабатына тийген. Андан жарадар болгондор, каза тапкандар катталган эмес.

Бул окуя боюнча Киев шаарынын мэри Виталий Кличко да өзүнүн Telegram каналына жазды.

«Лобановск, 6А дарегиндеги үйгө снаряд атылган. Учурда тез жардам кызматы ал жакка бара жатат», — деп жазган ал өз билдирүүсүндө.

Шаар башчысы снаряд тийген көп кабаттуу үйдүн сүрөтүн да жарыялаган.

"Марал радиосу" Телеграмда

"Марал радиосу" Инстаграмда

Advertisement

Айпери Жумабай кызы

You may like

Пикир калтырыңыз