Орусия президенти Владимир Путин Киев менен жогорку деңгээлде баарлашууга даяр. Ал бул тууралуу бүгүн, 25-февралда Орусия лидери Кытайдын төрагасы Си Цзиньпин менен телефон аркылуу сүйлөшүү учурунда билдиргенин «РИА Новости» маалымат агенттиги Кытайдын борбордук телеканалына шилтеме берүү менен жарыялады.
Сүйлөшүүдө Кытай тарап Орусия-Украина мамилесин сүйлөшүү жолу менен жөнгө салууну колдой турганын билдирген.
Буга чейин Украина президенти Владимир Зеленский видеокайрылуу жасап, анда Орусия лидери Владимир Путинди сүйлөшүү үстөлүнө чакырган.