Айсулуу Тыныбекова 24-27-февраль күндөрү Стамбулда (Түркия) өтүп жаткан Yasar Dogu, Vehbi Emre & Hamit Kaplan эл аралык турниринде чейрек финалга чыга алган жок.
Кыргызстандык балбан кыз 1/8 финалда Бразилиядан келген Лайс Нуньес де Оливейрага 0:8 эсебинде жеңилип калды. Эгер бразилиялык кыз финалга өтсө, Айсулуу көңүл жубатуучу беттешке мүмкүнчүлүк алат.
Эске салсак, бүгүн Мээрим Жуманазарова менен Айпери Медет кызы да күрөшөт.
Ал эми кечээ, 24-февралда грек-рим күрөшү боюнча мелдеште кыргызстандык Дастан Кадыров менен Калы Сулайманов бешинчи орунду ээледи.
Белгилей кетсек, бул турнир рейтингдик беттеш болуп эсептелет. Спортчулар алган упайларына жараша 2022-жылдын дүйнөлүк рейтингиндеги ордун аныктайт.