Пекинде өткөн Кышкы Олимпиада оюндарында алтын медалдын да, жалпы байгелүү орундардын да эсеби боюнча Норвегия курама командасы I орунду ээледи.
Кышкы Олимпиада оюндары кечээ, 20-февралда аяктады.
Норвегия командасы 16 алтын, 8 күмүш, 13 коло, жалпы 37 медаль алды.
Ал эми II орунга 12 алтын, 10 күмүш, 5 коло медаль менен Германия командасы, III орунга 9 алтын, 4 күмүш, 2 коло менен Кытай командасы ээ болду.
Жалпы медалдардын саны боюнча I орунду 37 медаль топтогон Норвегия спортчулары, II орунду 32 медаль (6 алтын, 12 күмүш, 14 коло) топтогон Орусия командасы, III орунду 27 медаль топтогон Германия командасы алды.
