«Жеңго» каймана аты менен таанымал кримтөбөл Кадырбек Досоновдун тобундагы адамдар кармалды. Бул тууралуу Улуттук коопсуздук мамлекеттик комитетинин басма сөз кызматы билдирди.
Ушул жылдын 17-февралында кайсы бир адамдар Кара-Суу районун Нариман айылынан жеке ишкерди коркутуп, акча талап кылганы боюнча маалымат түшкөн. Кылмыш-жаза кодексинин 208-беренесинин (опузулап пара талап кылуу) негизинде иш козголуп, шектүүлөргө издөө жарыяланган.
Атайын операциянын жүрүшүндө кылмыштуу топтун мүчөлөрү 1992-жылы туулган Р.Э.Р., 1993-жылы туулган А. уулу Э. ишкер А.А.И.ден акча алып жаткан жеринен колго түштү. Кармалгандар УКМКнын убактылуу кармоочу жайына киргизилди.
Учурда тергөө жүрүп жатат.
