Болгариянын Велико-Тырново шаарында өтүп жаткан күрөштүн олимпиадалык түрлөрү боюнча Dan Kolov — Nikola Petrov эл аралык турниринде Балбай Дордоков алтын медаль алды.
Грек-рим күрөшүнөн 55 кг салмакта күч сынашкан Балбай Дордоков алгачкы беттешинде индус балбан Ажайды 2:3 эсебинде, кийинки беттеште алжирлик М.Дрибини 6:4 эсебинде жеңип, финалга чыккан. Финалда румын балбан Флорин Михай Денини 4:2 менен утуп алды.
Dan Kolov — Nikola Petrov эл аралык турнири 17-февралда башталган. 20-февралда жыйынтыкталат.
Учурда Кыргызстандын эсебинде 1 алтын, 1 коло медаль бар.