Кытайдын Пекин шаарында өтүп жаткан кышкы Олимпиадага Кыргызстандын атынан барган лыжачы Максим Гордеев бүгүн, 16-февралда лыжа тебүүнүн слалом дисциплинасында күчүн сынады.
Максим Гордеев катышкан эркектер арасында лыжа тебүү жарышында жалпы 88 спортчу күч сынашты.
Ал эми 81-номердеги кыргызстандык спортчу биринчи аракетинде кулап түшүп, марага жетпей калды.
Максим Гордеев лыжа тебүү боюнча Кыргызстандын чемпиону жана эл аралык мелдештерде байгелүү орундарга татыган.
Кышкы Олимпиада оюндары 4-20-февралда Кытайдын Пекин шаарында өтүүдө.