Өткөн жылы Салык кызматы салыктарды өз убагында төлөбөгөндөрдөн 6,5 млн сом өндүрүлдү. Бул тууралуу Мамлекеттик салык кызматынын басма сөз кызматы билдирди.
Үстүбүздөгү жылдын 1-январына карата салык карызынын суммасы 25,2 млрд сомду, камсыздандыруу төгүмдөрү боюнча карыз 2 млрд 37,3 млн сомду түзгөн. Өлкөдө карызды мажбурлап өндүрүү боюнча салык карызынан 5 млрд 397,9 млн сом, камсыздандыруу төгүмдөрү боюнча 1 млрд 386,1 млн сом түшкөн.
Салык төлөөчүлөргө 15 млрд сомго 74 миң 195 чечим тапшырылып, анын 4,6 млрд сому өндүрүлүп алынган. Ал эми салык төлөөчүлөрдүн алыш-бериш эсебине 2 млрд сом суммасында 2 миң 464 салыктык төлөм талабы коюлуп, анын 481,6 млн сому өндүрүлдү.
Ошондой эле, бюджетке салыктарды өз убагында төлөбөгөндүгү үчүн 8, 4 млн сомго 3975 айып салынып, 6,5 млн сом өндүрүлгөн.