Кыргызстанда коронавируска каршы вакцинанын бустердик дозасын (үчүнчү дозасын) бир күндө 104 адам алды. Бул тууралуу Республикалык штабдан кабарлашты.
Анын ичинен Бишкек шаарында – 12, Ош шаарында – 15, Чүй облусунда – 4, Талас облусунда – 45, Нарын облусунда – 14, Жалал-Абад облусунда – 14 адам эмделди.
Кыргызстанда эмдөө өнөктүгү былтыр март айында башталган.
Учурда өлкө калкы SinoPfarm, «Спутник V», Pfizer, AstraZeneca, Moderna вакциналары менен эмделип жатат.
Белгилей кетсек, Кыргызстанда 7-февралга карата коронавирус 83 адамдан аныкталды.