Бээжин шаарында өтүп жаткан кышкы Олимпиада оюндарында Орусия командасына биринчи алтын медалды алып берген лыжачы Александр Большунов сыйлык тапшыруу аземинде сүйүнгөнүнөн пьедесталды сындырып алды.
Кечээ, 6-февралда скиатлон боюнча 30 чакырым аралыкка жарыш өтүп, Орусиянын спортчусу Александр Большунов биринчи келди. Андан кийин 1 мүнөт 11 секундга кечирээк орусиялык дагы бир лыжачы Денис Спицов, үчүнчү болуп финляндиялык Ийво Нисканен марага жетти.
Бул Большуновдун карьерасындагы биринчи олимпиадалык алтын болду. Буга чейин 2018-жылкы Олимпиадада үч күмүш жана бир коло медаль алган.
