Баткен облустук прокуратурасы тарабынан Жер кодексинин талаптарын бузуу фактысы аныкталды. Бул тууралуу Башкы прокуратуранын басма сөз кызматы билдирди.
Прокурордук текшерүүнүн жүрүшүндө Баткен шаарында жайгашкан 0,08 гектар жер тилкеси мыйзамсыз түзүлгөн келишимдин негизинде Б.А. аттуу жаранга жеке менчикке берилип кеткени такталган.
Облустук прокуратуранын сотко келтирген доо арызы менен 1 млн 880 миң сомдук жер тилкеси Баткен шаардык мэриясынын менчигине кайтарылды.